ಯಕ್ಷಪುತ್ಥಳಿ ಮನೆಯಲ್ಲಿ ಫ್ರಾನ್ಸ್ನ ವಿದ್ಯಾರ್ಥಿಗಳು
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಸೋಮವಾರ, ಸೆಪ್ಟೆ೦ಬರ್ 23 , 2013
|
ಸೆಪ್ಟೆ೦ಬರ್ 23 , 2013
|
ಯಕ್ಷಪುತ್ಥಳಿ ಮನೆಯಲ್ಲಿ ಫ್ರಾನ್ಸ್ನ ವಿದ್ಯಾರ್ಥಿಗಳು
ಮಂಗಳೂರು :
ನಿರ್ಮಾಣ ಹಂತದಲ್ಲಿರುವ ಯಕ್ಷ ಪುತ್ಥಳಿ ಬೊಂಬೆ ಮನೆಗೆ ಫ್ರಾನ್ಸ್ನ ವಿದ್ಯಾರ್ಥಿಗಳು ಭೇಟಿ ನೀಡಿ ಯಕ್ಷ ಬೊಂಬೆಗಳನ್ನು ವೀಕ್ಷಿಸಿ 'ಇದು ಎಂಥ ಲೋಕವಯ್ಯ...' ಎಂದು ಬಣ್ಣಿಸಿದರು.
ಭಾರತೀಯ ದಿರಸು, ರಂಗಕಲೆಗಳ ವೇಷ ಭೂಷಣಗಳ ಬಗ್ಗೆ ಅಧ್ಯಯನ ನಡೆಸಲು ಫ್ರಾನ್ಸ್ನ ಲಿಯೋನ್ನ ವಿದ್ಯಾರ್ಥಿಗಳಾದ ಸಿಂಡಿಲೊಂಬಾರ್ಡಿ ಮತ್ತು ನೊಬಿರೋನ್ ಕಾರೋಲ್ ಕಾಸರಗೋಡಿನ ಚಂದ್ರಗಿರಿ ತೀರದ ಪಿಲಿಕುಂಜೆಯ ಶ್ರೀ ಗೋಪಾಲಕೃಷ್ಣ ಯಕ್ಷಗಾನ ಬೊಂಬೆಯಾಟ ಸಂಘದ ನಿರ್ಮಾಣ ಹಂತದಲ್ಲಿರುವ ಯಕ್ಷ ಪುತ್ಥಳಿ ಬೊಂಬೆ ಮನೆಯನ್ನು ಸಂದರ್ಶಿಸಿ ಯಕ್ಷಗಾನ ಬೊಂಬೆಗಳ ಬೆಡಗಿಗೆ ಬೆರಗಾದರು.
|
ನಿರ್ಮಾಣ ಹಂತದಲ್ಲಿರುವ ಯಕ್ಷ ಪುತ್ಥಳಿ ಬೊಂಬೆ ಮನೆಗೆ ಫ್ರಾನ್ಸ್ನ ವಿದ್ಯಾರ್ಥಿಗಳು ಭೇಟಿ ನೀಡಿದರು.
|
ಈ ವಿದ್ಯಾರ್ಥಿಗಳು ಬೊಂಬೆಗಳ ಮಾಹಿತಿ, ಕುಣಿಸುವ ರೀತಿಯನ್ನು ಬೊಂಬೆ ಮನೆಯ ನಿರ್ದೇಶಕ ರಮೇಶ್ ಕೆ.ವಿ. ಅವರಿಂದ ತಿಳಿದುಕೊಂಡರು. ನಿರ್ಜೀವ ಮರದ ಕೊರಡುಗಳಲ್ಲಿ ಜೀವ-ಭಾವ ತುಂಬುವ ಬೊಂಬೆಗಳ ನಿರ್ಮಾಣದ ಕುರಿತು ವಿವರಿಸಿದರು. ಪಾತ್ರಗಳಿಗೆ ತಕ್ಕಂತೆ ಬೊಂಬೆಗಳಿಗೆ ತೊಡಿಸುವ ಆಭರಣಗಳನ್ನು ಕಲಾತ್ಮಕವಾಗಿ ಕುಸುರಿ ಕೆಲಸ ಮಾಡಿ ಸಿದ್ಧಪಡಿಸುವುದನ್ನು ವಿದ್ಯಾರ್ಥಿಗಳು ವೀಕ್ಷಿಸಿದರು. ಬೊಂಬೆಗಳ ಮುಖಭಾವಕ್ಕೆ ತಕ್ಕಂತೆ ಬಣ್ಣಗಳನ್ನು ಹಚ್ಚುವ ರೀತಿ, ಕೈಕಾಲು, ರುಂಡಗಳಿಗೆ ಕೀಲುಗಳನ್ನು ಜೋಡಿಸಿ ಕೈಗಳು, ಕಾಲುಗಳು ಮತ್ತು ಶಿರೋಭಾಗಕ್ಕೆ ತಪ್ಪು ದಾರಗಳನ್ನು ಅಳವಡಿಸುವುದನ್ನು ವೀಕ್ಷಿಸಿದರು. ರಮೇಶ್ ಅವರು ದಾರಗಳನ್ನು ಹಿಡಿದು ಬೆರಳುಗಳಿಂದ ಬೊಂಬೆಗಳನ್ನು ಕುಣಿಸುವ ಅಪೂರ್ವ ಕಲೆ ವಿದ್ಯಾರ್ಥಿಗಳನ್ನು ಆಶ್ಚರ್ಯಚಕಿತರನ್ನಾಗಿಸಿತು.
ಸಿಂಡಿ ಲೊಂಬಾರ್ಡಿ ಮತ್ತು ನೊಬಿಲೋನ್ ಕಾರೋಲ್ ಅವರು ಲಿಯೋನ್ನ ಸ್ಕೂಲ್ ಆಫ್ ಆರ್ಟ್ಸ್ ಆ್ಯಂಡ್ ಕ್ರಾಫ್ಟ್ನ ವಿದ್ಯಾರ್ಥಿಗಳು. ಸ್ಥಳದಲ್ಲೇ ಚಿತ್ರ ಬಿಡಿಸುವುದರಲ್ಲಿ ನಿಸ್ಸೀಮರು. ಯಕ್ಷಗಾನ ಬೊಂಬೆಗಳ ಚಿತ್ರಗಳನ್ನು ಅವರಿಬ್ಬರು ಕ್ಷಣಮಾತ್ರದಲ್ಲಿ ಬಿಡಿಸಿದರು.
ಕೃಪೆ : ಉದಯವಾಣಿ
|
|
|